FENDI太陽眼鏡3.5折

唔好以為而家過左暑假太陽就冇咁勁，可以唔使戴太陽眼鏡出街呀，其實太陽既紫外線真係好勁，我地除左要好好保護我地既皮膚之外，眼睛都要架！除左個款要夠型襯到衫之外，功能都好重要架，所以一定要識揀～今次要介紹既係FENDI既太陽眼鏡！

呢個品牌應該大家都有聽過啦～佢係1925年創立，都已經有94年歷史，佢係一個意大利品牌；除咗賣香水手袋之外仲會有眼鏡！FENDI創辦人 EDOARDO FENDI同ADELE CASAGRANDE以品質優良既皮革以及前衛大膽既設計起家，FENDI一開始只係係街邊擺檔賣皮革用品，呢個檔口憑著精湛既手工藝以及優質既皮革，受到當時名門貴族同社會名流既喜愛，人們都係咁討論，令FENDI迅速竄升為知名高級品牌，擴展到今日成為全球頂級既時尚精品令人愛不釋手！

FENDI眼鏡既設計十分時尚優雅，而且會配合戈一季既流行風格黎設計眼鏡款式；當中包括有時尚華麗、色彩鮮艷、誇張既裝飾同簡約風格等等，有吾少既model都會戴佢出席時裝活動！FENDI甚至會將手袋既設計融入既眼鏡當中，手袋既緞帶珍珠、圖騰設計既極簡線條、經典PEEKABOO手袋既牌釦設計同「F  IS  FENDI 」既迷你LOGO，都係眼鏡上面展現出黎！

FENDI有啲既款式會使用簡單大方既線條、裝飾點綴，令簡約既鏡框形狀經由撞色、經典元素令女性面部更有魅力！FENDI眼鏡除左女裝之外仲有男裝既，有啲款仲係男女通用！係功能方面，FENDI鏡面採用左飽和既單色鏡同反光材料，更加有效抵擋陽光！FENDI仲會同其他品牌聯乘合作，可以話係如虎添翼！令眼鏡更加前衞型格，更具個人風格！