滑浪板介紹 邊款板岩初學者

上一個post就介紹左2020香港最佳滑浪同海灘熱點，去到沙灘咁正咁靚，無謂曬左個地方；唔通真係淨係游水同堆沙咩～今次小編就會講下滑板/衝浪板！咁去到沙灘就可以玩下新野喇，可以吾洗租人地戈啲，未必岩心水又可能吾靚仔爛爛地，自己買左又合自己心水最緊要係玩成日都吾怕！重點係搵Piece Up買有多款揀！咁就培養左樣新興趣！自己滑浪用自己板；打卡都型過人～

Surfing係利用衝浪板越過海浪，最重要既係天氣，有浪先有Surfing。風級要達到四至五級或以上；打風既風級就適合滑浪，所以打風既時侯成日見到滑浪者既身影係海灘出沒。除左打風既時侯，秋季或冬季既風級都係適合滑浪，因為吹既大多係東北風，滑浪既兩大熱點：大浪灣同西貢大浪西灣，又正正吹東北風先會大浪～

一開始就介紹下幾款滑浪板先啦～

泡棉板 (Foam)

對於初學者最適合的浪板，讓你輕鬆享受衝浪樂趣兼顧技巧的進步。佢為你提供左划水所需既能量，可以更輕鬆咁捕捉波浪並幫助你起乘。一旦你起乘左，佢會幫你保持平衡，並係你失誤時保持穩定。佢可以令你輕鬆越浪，追到更多好既浪，從而獲得速度。泡棉衝浪板可以係人擠人既夏季海灘邊，唔容易傷害其他衝浪者同自己。

長板(Longboard)

長板正確既定義係長度係九呎以上既板。以一個人既身高來講，長板既長度大約就係一人半既高度。因為太大塊，所以長板既浮力相較比其他板型會大啲，令到長板係追浪既時侯比平時划水時較容易，所以長板係轉向既時侯表現都會笨重啲，需要既旋轉空間都比較大。

短板(Shortboard)

大部分人對短板既定義，就是七呎以下既板。七呎大約就係一個米八既人再高啲既高度。淨係由體積我地就可以睇到短板既浮力比長板細，當我地趴係長板上面，因為浮力比較大，所以可以整張浮係水面上。但短板就唔一樣。你會發現當你趴係短板時，成塊板會因為體重而沉左落水，仲需要靠人體本身既浮力先至可以支撐自己保持係水面。咁會令到玩開長板既人係轉玩短板既時侯划水相當吃力。

短板因為比較細塊比較輕，靈活性比較高。

言歸正傳～到底邊款板岩初學者啲啊？其實本來就無一個定論既，不過大部分人都會推薦由長板入手，因為長板浮力大啲、衝浪既機率高，相對練習既機會都會提高，而且新手無咁容易有挫折感>0<