新鞋刮腳點算好？

每次買親新鞋都會刮腳，真係好頭痕！黐完膠布又痛又生水泡，行路有拮下拮下咁；真係好崩潰架！唔好以為新鞋刮腳損咗係好小事，曾經就有人因為咁而搞到感染敗血病，尤其係果D不知名牌風險就更高~ 究竟點算好？睇吓呢個post啦～

1..搽凡士林、蠟燭或者番梘

着鞋之前，喺腳踭位置搽上一層凡士林、蠟燭或者番梘，會喺表面產生左一個保護，從而減低左刮腳嘅機會。

2.噴酒精

酒精有好高既揮發性，可以將皮革同帆布類質料變軟。只要一路噴酒精，一路用手揉捏刮腳位同試著，重複幾次，對鞋就能變得符合你既腳形！亦可以白酒~ 只要用毛巾浸少少白酒，再用夾固定條毛巾喺刮腳位，隔一晚就搞掂！

3. 用風筒撐寬鞋身

呢個方法只係適用於皮鞋。自己先著一對厚襪，再著埋鞋，用風筒係刮腳位吹20-30秒，再用腳撐寬鞋身。鞋子就能變得比以前更大，吾再會刮腳~