開箱文 -$599 就買到既究竟係點？

咁多位團友你地好丫，話說Piece Up 都已經成立左四五年啦，一直以黎你地既支持就係我地既動力！由以前每一個人都話我地好毒，到大家都已經中晒毒，見到團友們响外國買到正野，你地每一個上到黎我地門市既笑容就已經係對我地既鼓勵！海外網購呢樣野我地認為都無咩大可能有得被取代，所以今次我地就為之前所做既團購而放一啲新既野出黎，刺激下你地既眼睛，開箱文！

今次講既，就係我地五月中既時候力推既。NMD 同埋 Cat！我地每次力推都係真係覺得好抵好正！因為其實我地成日都會接觸幫大家買返黎既野，就連自己都以為自己百毒不侵既時候，都耐唔耐都科水買野！即刻話你知，599 就可以買到對咩質素既NMd 先啦

今次呢對NMd R2 其實外國一直都賣緊$130 蚊美金，不過其實我地上次就係咁岩見到人地減價又做折，即刻就比團出黎比大家黎衝！$599 就買到既鞋都有個半價唔只，最重要既係都幾齊碼！當然啦，每次响我地啲留言到都有啲人話我地賣流野，又會話我地滅人聲，每次一有靚折既時候都會人話我地呢樣果樣。我地都無咩點去回應，因為我地覺得，我地要做既，就係不斷响外國到揾平野，揾靚野！不廢話，即刻去相 ！

今次呢對Nmd 型號係B22630, 上網揾都已經大把靚相！睇下實物又如何！

响腳內側既位置，有個黑色既配色，成對睇落都已經正幾多下！再加上重要係日文字既鞋尾帶 高質！

剩睇鞋尾其實都心動啦 ！$599 重想點NMD丫！至少，小編自己都係咁諗！

迷彩鞋帶丫大佬！成對鞋有返咁上下軍系味！

响條街見到呢對野，無過千都無機會啦係咪？夠毒未！即刻睇埋另一對都相當高質既！

睇埋另一對！個型號係CQ0760,  都係NMD 團其中一對比較受歡迎既！

真係背多芬！背隻都好吸引啦！

個面布其實係用左絨布做，著既時候想Keep好啲就梗係噴埋防水啦！咁就Keep得再好啲啦

黑杏呢個配色其實唔難襯丫！

Adidas Logo 梗係少不免啦！

重頭戲

如果大家覺得 買Nmd 有呢個質數重係無咩驚喜既時候，不過睇埋呢對Boot, 2018 年小編最Surprise 一定係佢！除左抵之外，質高！呢對Cat Boot 或者上一團Cat 團，真係正到嘔！

當小編一見到佢實物既時候，心入面就知，Boot 唔只係得Red Wing Timberland

皮質都唔錯， 而$599 黎講無投訴

著呢啲Boot一般黎講，個底都係蝕得比較快，佢坑紋唔淺，唔知道可唔可以維持一年換一底呢

唔知點解，Boot 鞋舌一定係Logo 位！不過，又幾靚喎。（同事影相手殘手震走晒Focus）

同Timberland 既鞋Logo 擺位有幾分相似！不過睇得出手工係唔錯！

老友！你係靚既！

重有無得買？

嗯。答案係無既！因為對NMD 已經係 130 蚊美金正價，對 Cat 直情Sold Out ！不過如果有既話，我地一定會出Post！記得响Facebook 追蹤返我地同埋襟搶先睇！咁你就唔會錯過啲優惠啦 ！