顯瘦大法 - 秋冬修身服飾配搭攻略

近日秋風送爽，相信唔少既女仕都已經拎左外套出黎著嫁啦！响外套既配搭下只要配合適當既技術，即可以做到顯瘦既效果！更加係有女神既感覺！想响今個冬天除左可以有保暖效果之外，重一定係有顯瘦效果！

Style 1 ： 白短Tee 襯 長褸款

呢個裝扮都可以叫做至為容易配襯既一個裝扮！以白色既T恤 加條修身既黑色窄腳長褲做配襯！加多件麻質既長款外套！成個人個覺得真係會即刻瘦落黎！呢個裝扮除左夠晒保暖既同時，同時整體個方格又自然又大方！

Style 2 運動褲 ＋ Jacket

平時著修身褲要瘦既朋友仔先知道，要自己本身瘦先可以著得好睇！但係著運動褲除左比你既舒適感之外，重可以比到你有顯瘦既效果！加多件修身小小既Jacket，上下既反差做到顯瘦更加高效果！紅色更加係今年會好興既顏色 ！

Style 3 ： 黑色Legging 加 長款大衣

冬天無論點樣著都可以襯得岩既 Legging，著黑色本身有顯瘦既作用！但如果上身做多個反差就可以令到你有明顯既顯瘦效果！著件卡其色既外套其實真係好靚！同時最重要既係，卡其色同黑色既對比先係最好既顯瘦機會！

Style 4 ： 白色背心 ＋西裝套裝

西裝無論係男仕定女仕都會係一件超級好既顯瘦裝備！如果你㨂既顏色係深灰色既西裝既話，咁就會令到你更加有味道！加上件褲係九分褲既長度既話，外露出全身最瘦既部分更有顯瘦作用喔！