每個人嘅衣櫃入面必定會有一條牛仔褲，貪佢百搭得嚟又時尚，但唔係每個人都有高挑嘅身材，總會有一d惱人嘅缺點，例如大腿粗、五五身等，咁到底要點選擇適合自己嘅款式，著起又好睇又唔會暴露缺點呢？照我話牛仔褲並唔係越貴越好，有d名牌牛仔褲起價就係幾千蚊，真係唔係個個都能買得起。所以與其買個d又貴，CP值又低嘅牛仔褲，例不如考慮下呢條日本品牌嘅Sideline緊身牛仔褲啦。

擔心大腿粗嘅朋友，一般都會只挑寬鬆嘅褲，但咁樣其實望落更臃腫，呢條睇落修身但其實用咗彈性十足嘅布料，上寬下窄嘅錐形設計而且貼腳，著時亦唔會覺得緊繃唔舒服，沿著腿型向下延伸嘅設計，會令腿部睇落更修。

此外，淺藍色嘅褲再配有洗水效果，令視覺效果更集中，令腿型睇落更加纖細。秋季嘅話，上衣亦可以就咁搭配淺色襯衫或者冷衫就已經好好睇！