背囊就介紹得多啦，今次要介紹既係呢個兩用手提合皮袋。袋既前後各有一個開放式儲物袋，可以放一啲要即刻攞到嘅物品，例如八達通、紙巾、鎖匙等等，仲有一個磁石鈕釦，唔使擔心會跌野出嚟！兩側各有儲物空間，分別可以擺到500ml既水瓶同縮骨遮。呢款手提皮袋既入面係採用布同尼龍質地，內部既存儲空間好大，可以放到A4 size既野，有三個可以存放錢包，手機既開放式口袋同一個拉鍊口袋，放到好多嘢仲有好多格，非常實用。呢個袋嘅設計係除咗可以手挽之外，仲可以斜揹，佢仲有五隻色，有黑色、駱駝色、深灰色、咖啡色同深藍色。呢款嘅外表輕巧簡約時尚，容量大又實用，啱晒用黎返工返學，係日本好多男士既返工首選～