識女仔著到咁，男仔都同你絕交

識女仔著到咁，男仔都同你絕交

潮流既野，每一年其實都唔同，要追佢其實重難過追iPhone！其實自己著到好睇就已經非常好！不過通常男仕們為左去吸引異性既注意，打扮方面都會比較花心思！不過花心思唔等於唔會出事，即刻避免以下既出錯，免得識女仔失敗重要搞連男仔都怕左你！

相信我地，我地唔係西部牛仔，後面搞到花到咁已經唔係潮流，或者從來都唔係潮流既一種！所以唔好再著啲太花既野啦！

如果鐘意著鬆身褲既話，就唔好話太誇張！著直腳Cutting都可以！不過如果搞到圖入面咁既話，咁寧願著火焰大喇叭啦係咪？

以前雙摺版型既卡其褲係斯文既象徽，依家你著既一係就係你以前既人，一係你就嚇走人！

想出位既都唔好用一啲西裝Print Tee 都做出西裝效果！用星爺果個方法可能更加好

用呢個方法或者都博到異性一笑。或者嫁喳。

平時去Clubbing 著得型可以丫，但麻煩除返副黑超返黎，黑夜唔要黑超常識了吧 ！

打扮儀容後大忌係波鞋，太舊既就唔好啦，Vintage 唔係咁玩的！

Ok我地知道，著鞋唔著襪係唔得既！但可唔可以襯返對鞋，皮鞋就著返啲有質感既，千其唔好著呢啲！

睇左以上既造型之後，係靚係醜就真係見人見智！不過一定唔會係平時大眾所接受既，或者將來會係，但今時今日一定唔係，千其唔好做成潮流下既實驗品，著得型，其實順眼就可以，切勿追求品牌個別產品令到自己出事！如果火焰大喇叭係超型既潮流品牌出既，但係過去式始於係過去式，令自己順眼，人地望落舒服，其實人人都係潮人！潮係一種態度，唔係一種著法！